BBC Canwr y Byd Caerdydd
2007
• Y dechrau’n chwilio am un o sêr
newydd disgleiriaf byd yr opera
• Y Wobr i’r enillydd
yn cynyddu i £15,000
Mae’r chwilio ar draws y byd ar gyfer sêr
y dyfodol ym myd yr opera - er mwyn eu cael i gystadlu
am yr anrhydedd o ennill cystadleuaeth BBC Canwr
y Byd Caerdydd 2007 a gwobr ariannol o £15,000
- wedi cychwyn.
Mae cantorion ifanc o bob cyfandir wrthi ar hyn
o bryd yn cystadlu mewn rhagbrofion yn y gobaith
o gael cynrychioli eu gwledydd yng nghystadleuaeth
ganu arobryn y byd.
Trefnir BBC Canwr y Byd Caerdydd gan BBC Cymru Wales
mewn cysylltiad ag Opera Cenedlaethol Cymru a Dinas
a Sir Caerdydd.
Mae ymgynghorydd cerddorol y gystadleuaeth Julian
Smith yn teithio’r byd er mwyn cynnal rhagbrofion
i alluogi cantorion o bedwar ban byd gael cynnig
ar hawlio lle yn ffurfafen y byd operatig.
Bydd y 25 cystadleuydd fydd yn cyrraedd y rownd
derfynol yn teithio i Gaerdydd ddechrau haf nesaf
er mwyn canu yn Neuadd Gyngherddau Genedlaethol
Cymru, Neuadd Dewi Sant, ger bron rheithgor o enwogion
a chynulleidfaoedd fydd llawn mor graff.
Dywedodd Julian Smith; “Bydd dros 600 o gantorion
uchelgeisiol yn gobeithio am le yng nghystadleuaeth
BBC Canwr y Byd Caerdydd. Bydd rhagbrofion yn digwydd
mewn lleoliadau yn ymestyn o Rio i St Petersburg
ac o Toronto i Melbourne. Bydd y cantorion rheini
fydd yn cael eu dewis yn arddangos lefel uchaf o
ddawn leisiol, gallu cerddorol a medrau cyfathrebu.”
Bydd y gyfres o gyngherddau i ddethol yr un fydd
yn cipio gwobr fwyaf byd yr opera yn 2007 yn cael
eu cynnal rhwng Sadwrn Mehefin 9fed a Sul, Mehefin
17..
Bydd yr enillydd yn dilyn ôl traed sêr
operatig megis Karita Mattila (Ffindir, 1983), Katarina
Karnéus (Sweden, 1995) Dmitri Hvorostovsky
(Rwsia, 1989), Lisa Gasteen (enillydd 1991) ac enillydd
y Wobr Lieder gyntaf ym 1989, Bryn Terfel o Gymru.
Mae enillydd y gystadleuaeth - a gynhelir bob yn
ail flwyddyn - yn 2005 yr Americanes Nicole Cabell
wedi saethu i enwogrwydd rhyngwladol. Mae’r
soprano delynegol wedi arwyddo cytundeb recordio
ecscliwsif gyda Decca ar gyfer ei albwm datganiad
solo cyntaf sydd i’w ryddhau yn ystod 2007.
Ym mis Awst 2006 ymddangosodd
Nicole am y tro cyntaf yng nghyfres Proms y BBC
yn Les illuminations Britten ac ym mis Medi ymddangosodd
am y tro cyntaf yn y Ty Opera Brenhinol yn y Barbican
fel y Dywysoges Eudoxie mewn perfformiad cyngerdd
o i La Juive.
Bydd enillydd 2007 yn derbyn £15,000 sy’n
gynnydd o £5,000 yn y wobr ariannol. Mae’r
gwobrau i’r pedwar arall sy’n cyrraedd
y rownd derfynol wedi cynyddu hefyd o £500
i £2,500. Gwnaed hyn yn bosib diolch i nawdd
newydd oddi wrth Ymddiriedolaeth Richard Lewis.
Yn ogystal gall fod y bydd yr enillydd yn cael cynnig
hefyd gyfleoedd proffil uchel i berfformio gyda’r
BBC ac Opera Cenedlaethol Cymru.
Bydd Cerddorfa Genedlaethol Gymreig y BBC dan arweiniad
John Nelson, a Cherddorfa Opera Cenedlaethol Cymru
dan arweiniad Carlo Rizzi, yn cyfeilio’r cystadleuwyr
yng nghyngherddau’r rowndiau cychwynnol. Cerddorfa
Genedlaethol Gymreig y BBC fydd yn cyfeilio i’r
cystadleuwyr yn y rownd derfynol.
Gwobr y Gân Rosenblatt BBC Canwr y
Byd Caerdydd
Gall y 25 cystadleuydd gystadlu hefyd am
Wobr y Gân Rosenblatt BBC Canwr y Byd Caerdydd.
Mae’r gystadleuaeth hon ar ffurf cyfres o
bedair cyngerdd ragbrofol yn y Theatr Newydd gyda
rownd derfynol yn Neuadd Dewi Sant.
Bydd yr enillydd yn derbyn gwobr o £5,000.
Yn ogystal gall fod y byddant yn derbyn gwahoddiad
i ddarparu datganiad fel rhan o Gyfres Ddatganiadau
Rosenblatt yn St John’s Smith Square, Llundain,
ac o bosib hefyd eu dewis i fod yn un o Artistiaid
y Genhedlaeth Newydd BBC Radio 3. Y cyfeilyddion
fydd Llyr Williams, Simon Lepper a Phillip Thomas.
Cynhelir Meistr Wersi yn ystod y gystadleuaeth hefyd,
o dan arweiniad cewri o’r byd opera fel Brigitte
Fassbaender a Siegfried Jerusalam, ddydd Sadwrn,
Mehefin 16.
Bydd cynulleidfaoedd yn Neuadd Dewi Sant, ar y teledu,
y radio ac ar-lein unwaith eto yn medru lleisio
barn trwy Wobr y Gynulleidfa, a noddir gan Croeso
Cymru.
Manylion Archebu
Mae ffurflenni archebu trwy’r post
bellach ar gael ar gyfer tocynnau tymor BBC Canwr
y Byd Caerdydd a chyngerdd y rownd derfynol ar gyfer
Gwobr y Gân Rosenblatt yn Neuadd Dewi Sant
yn ogystal â thocyn tymor ar gyfer cystadleuaeth
Gwobr y Gân Rosenblatt, sy’n cynnwys
pedair cyngerdd y rownd ragbrofol a chyngerdd y
rownd derfynol yn Neuadd Dewi Sant. Gellir prynu
tocynnau hefyd ar gyfer y Meistr Wersi yn y Theatr
Newydd, ddydd Sadwrn, Mehefin 16. Mae ffurflenni
archebu ar gael o swyddfa docynnau Neuadd Dewi Sant
trwy ffonio 029 2087 8444 neu ar-lein o bbc.co.uk/cardiffsinger
Mae modd archebu'r holl docynnau o Chwefror 24ain
2007 ymlaen gan gynnwys tocynnau ar gyfer cyngherddau
unigol ar gyfer BBC Canwr y Byd Caerdydd a chystadleuaeth
Gwobr y Gân Rosenblatt. Gellir archebu yn
bersonol neu trwy’r post o Neuadd Dewi Sant,
Yr Ais, Caerdydd CF10 1SH, neu trwy ffonio 029 2087
8444 ynteu ar-lein o stdavidshallcardiff.co.uk
o Chwefror 24, 2007 ymlaen.
Am ragor o wybodaeth a delweddau
o’r gystadleuaeth cysylltwch â;
Mike Smith, BBC Canwr y Byd Caerdydd, Tel: +44 (0)
29 20 462686 Symudol: +44 (0) 7795 325161 E-bost:
mike@mediasmith.co.uk
Gwefan: www.mediasmith.co.uk
Bill
Kenny
